|
Լեյկոսափֆիրներ
Լեյկոսափֆիրը ալյումինի օքսիդի միակ բյուրեղն է(կորունդի թափանցիկ, անգույն տեսակ):Այն ունի հալման բարձր ջերմաստիճան (2030 °C), վնասվածքների և ագրեսիվ միջավայրի նկատմամբ կայունություն, բարձր կարծրություն, շփման ցածր գործակից, ալիքների երկարության լայն շարքերում օպտիկական թափանցիկություն, բարձր ձայնային որակ: Այս եղանակով բյուրեղի աճը տեղի է ունենում, երբ փոշին ներթափանցում է թթվածնաջրածնային այրիչի այրման գոտի: Ստացված բյուրեղները կոնաձև են` 20/25մմ տրամագծով և մինչև 400մմ բարձրությամբ:
Լեյկոսափֆիրները աճեցվում են համաձայն Վեռնելի մեթոդի:
Ի շնորհիվ իր հատկությունների լեյկոսափֆիրը ունի օգտագործման լայն շրջանակ`
Ժամագործություն
Լեյկոսափֆիրը տարբեր տիպի չքերծվող ժամային ապակիների արտադրության հիմնական նյութն է: Այն լայն կիրառում է ստացել ի շնորհիվ մի շարք հատկանիշների
- Մակերեսային ամրություն(Լեյկոսափֆիրների վրա միայն ադամանդն է քերծվածք թողնում)
- Գրեթե կատարյալ թափանցիկություն
- Ուլտրամանուշակագույն ճառագայթներից գույնի անփոփոխություն (Ճառագայթները օգտագործվում են ժամային ապակիների սոսնձման ժամանակ)
Օպտիկա
Օպտիկայում, որտեղ բարձր պահանջներ են ներկայացվում տարրի այնպիսի հատկություններին, ինչպիսիք են մեխանիկական ազդեցությունները, մինչև 1900С ջերմաստիճանի, ուլտրամանուշակագույն և ինֆրակարմիր ճառագայթների նկատմամբ կայունությունը, լեյկոսափֆիրը հիմնական նյութն է: Նմանատիպ օգտագործման համար լեյկոսափֆիրե ոսպնյակներ, պրիզմաներ, օպտիկական մանրաթելեր և լազերային մասնիկներ են արտադրվում:
Օպտիկայում լեյկոսափֆիրների անփոխարինելիությունը պայմանավորված է վերջինիս այնպիսի առավելություններով, ինչպիսիք են`
- Ուլտրամանուշակագույն ճառագայթների, մեխանիկական վնասվածքների և բարձր ջերմաստիճանի նկատմամբ կայունություն
- Ալիքների երկարության լայն դիապազոնում բարձր թափանցիկություն
Մեքենաների և սարքավորումների արտադրություն
Լեյկոսափֆիրներից արտադրվում են`
- Գործիքային դիտորդական պատուհաններ և լուսանցույցներ, որոնք դիմանում են չափազանց բարձր ջերմաստիճանին, ճնշման տատանմանը կամ վակումին, դիմացկուն են ագրեսիվ միջավայրին, մեխանիկական վնասվածքներին և ճառագայթմանը
- Սկաներների մաշվածքակայուն պատուհաններ
- Մաշվածքակայուն դետալներ(առանցքակալներ, ուղղիչներ)
- պլազմագեներատորների խողովակներ
Մեքենաշինությունում և վակումային տեխնիկայում լեյկոսափֆիրների հանրամատչելիությունը պայամանավորված է այնպիսի հատկություններով, ինչպիսիք են`
- շատ բարձր ամրություն
- մեխանիկական վնասվածքների և բարձր ջերմաստիճանի նկատմամբ կայունություն
- շփման և մաշվածության փոքր գործակից
Միկրոէլեկտրոնիկա
Լեյլոսափֆիրը տիեզերքում և ատոմային էլեկտրոկայաններում օգտագործվող միկրոսխեմաների հիմնակմախքի արտադրության միակ հումքն է: Այն նաև հիշողությամբ հուսալի, խառնածին բարձր ճշգրտությամբ միկրոսխեմաների պատրաստման հումքն է:
Միկրոէլեկտրոնիկայում լեյկոսափֆիրների անփոխարինելիությունը պայմնավորված է վերջինիս այնպիսի առավելություններով, ինչպիսիք են`
- բարձր դիէլեկտրիկությունը
- բյուրեղյա ցանցի առանձնահատկությունը, որը թույլ է տալիս իր վրա կայծքարի էպիտակսալ շերտ աճեցնել
Բժշկություն
Լեյկոսափֆիրներից արտադրվում են`
- Վիրաբուժության համար նախատեսված թափանցիկ և շատ բարակ շեղբեր
- Ախտորոշիչ սարքերի քիմիական պասիվ օպտիկական բացադրիչներ, որոնք կարող են դիմակայել բարձր ջերմաստիճանի ստերիլիզացմանը
Բժշկության մեջ լեյկոսափֆիրների հատուկ դերը սահմանում են`
- Շատ բարակ առարկաները ամուր դարձնելու հնարավորությունը(հերձադանակի սուր ծայր)
- Քիմիական և կենսաբանական պասիվությունը
- Թափանցիկությունը
- Բարձր ջերմաստիճանում կամ ուլտրամանուշակագուն ճառագայթներով ստերիլիզացման հնարավորությունը
Օպտոէլեկտրոնիկա
Լեյկոսափֆիրը ուժեղ պայծառությամբ լուսարձակ դիոդների ներդիրների պատրաստման հիմնական հումքն է:Այն նաև օպտիկայում օգտագործվող կանաչ, սպիտակ և կապույտ լույս արձակող ամուր լազերների պատրաստման հումքն է հանդիսանում; Լուսադիոդները հսկայական քանակությամբ օգտագործվում են գործիքաշինությունում(ինդիկատորներ), լրատվամիջոցներում, գովազդի բնագավառում(հասկայական գունավոր էկրաններ), ճանապարհորդային ծառայություններում(լուսանշաններ),ինչպես նաև Էլեկտրոէներգիայի խնայմամբ լուսատուներում(լուսավորման լամպեր, ավտոմոքենաների լույսեր) և այլն:
Օպտոէլեկտրոնիկայում լեյկոսափֆիրների անփոխարինելիությունը պայամանավորված է վերջիններիս այպիսի առավելություններով, ինչպիսիք են`
- Բարձր թափանցիկությունը
- Բյուրեղյա վանդակի առանձնահատկությունը, որը թույլ է տալիս լեյկոսափֆիրների վրա աճեցնել գալիումի նիտրատի էպիտակսիլ շերտ, որը գունավոր լուսադիոդների ստեղծման հիմքն է
|
